निर्वाचनपछि आर्थिक समृद्धिको ढोका खुल्छ : पोखरेल

२१ कात्तिक, महोत्तरी ।

माओवादी केन्द्रका नेता एवम् विनाविभागिय मन्त्री गिरिराजमणी पोखरेलले संघ र प्रदेशको निर्वाचनपछि आर्थिक समृद्धिको ढोका खुल्ने बनाएका छन् । महोत्तरी जिल्लाको क्षेत्र नम्बर एकबाट प्रतिनिध सभाको उम्मेदवारी दिएका पोखरेलले सञ्चारकर्मीहरुसंग कुरा गर्दै यस्तो बताएका हुन् ।

पोखरेलले संघ र प्रदेशको निर्वाचनपछि संघीयता पूर्णरुपमा कार्यान्वय हुने र स्थानीय स्रोत र साधन परिचालन गर्दै विकास गर्न सहज हुँने बताए । तराईमा रहेको विभेद र असमानता अत्यको लागि आफ्नो उमेद्वारी रहेको नेता पोखरेलको भनाई थियो ।

यसअघि २ पटक लगातार महोत्तरी जिल्लाको क्षेत्र नम्बर १ बाट संविधान सभाका निर्वाचनमा विजयी भएका पोखरेलले यस पटक पुनः बाम गठबन्धनको साँझा उम्मेदवारको रुपमा उमेद्वारी प्रस्तुत गरेका छन् ।