सेतीनदीको भुँवरी तैरिएको दुई शव शसस्त्र ले यसरी निकाल्यो (हेर्नुस तस्वीर)

किरण श्रेष्ठ

तनहुँ– सेती नदीको भुमारीमा दुई दिन देखि तैरिरहेको दुई शव नेपाल प्रहरी र स्थानीय बासिन्दाले निकाल्न नसकेपछि मंगलबार कुरिनटार स्थित शसस्त्र प्रहरी बलले बाहिर निकाल्न सफल भएको छ ।
शुक्लागण्डकी नगरपालिका ४ दुलेगौडा स्थित रक गार्डेनको भुमरीमा देखिएको पुरुष र महिलाको शव दुई दिनपछि सशस्त्र प्रहरी वल विपद व्यवस्थापन तालिम केन्द्र कुरिन्टारको टोलिले निकालेको हो । सशस्त्र प्रहरी निरिक्षक जगदिश चन्द्र हमाल नेतृत्वको ११ सदस्यीय टोलीले शव निकालेको हो ।

सेती नदिको खोचमा करिव दुई घण्टा लगाएर महिला र पुरुषको शव निकालिएको इलाका प्रहरी कार्यालय बेलचौताराका प्रहरी निरिक्षक राजेन्द्र अधिकारीले जानकारी दिए ।
नेपाल प्रहरीले लामो समय देखि उक्त शव बाहिर निकाल्न प्रयास जारी गरेपनि नसकेपछि शसस्त्र प्रहरी बललाई बोलाइएको थियो । उक्त दुवै शव नदीबाट बाहिर निकाले संगै सनाखत समेत भएको जिल्ला प्रहरी कार्यालय तनहुँले जनाएको छ । गत सोमवार पोखरा लेखनाथ पशुपतिघाटमा नुहाने क्रममा दाङ जिल्ला साविकको ताप्रे गाविस ७ घर भई पशुपतिघाटमा मजदुरी गर्दै आएका १८ बर्षीय संगीता नेपाली, ध्वनी नेपाली र सुनील परियार बेपत्ता भएका थिए ।

यसअघि बुधबार साँझ संगीता नेपालीको शव तनहुँको रिसिङ गाउँपालिका–१ हुक्सेखोला स्थित सेतीनदीको किनारामा भेटिएको थियो ।

दुई वटै शव पोखरा ल्याई पोष्टमार्टमको लागि पश्चिमाञ्चल क्षेत्रीय अस्पतालमा राखिएको बेलचौताराका प्रहरी निरिक्षक राजेन्द्र अधिकारीले जानकारी दिए ।